• Training
  • Booklets
  • Catalogue
  • EggsBanner

block texture border muted

Lansio'r Safonau Cyfranogiad Cenedlaethol wedi eu hadnewyddu

Lansio'r Safonau Cyfranogiad Cenedlaethol wedi eu hadnewyddu

 

Ar 20 Tachwedd, mae Cymru Ifanc, y porth cyfranogiad yn Plant yng Nghymru, yn lansio fersiwn wedi'i diweddaru o'r Safonau Cyfranogiad Cenedlaethol Plant a Phobl Ifanc.

 

Mae'r Safonau yn nodi'r ystyriaethau allweddol y dylai pob gweithiwr fod yn ymwybodol ohonynt wrth weithio gyda phlant a phobl ifanc yng Nghymru. Fe'u seilir ar Gonfensiwn y Cenhedloedd Unedig ar Hawliau'r Plentyn, a Deddf Llesiant Cenedlaethau'r Dyfodol (Cymru).

 

Mae'r lansiad yn nodi Diwrnod Plant Byd-eang, sy'n dathlu'r dyddiad y mabwysiadodd Cynulliad Cenedlaethol y Cenhedloedd Unedig y datganiad a'r confensiwn ar hawliau plant. Mae'n ddiwrnod i hybu ymwybyddiaeth o les plant yn fyd-eang.

 

Cafodd y Safonau Cyfranogiad Cenedlaethol eu datblygu'n wreiddiol gan yr Uned Cyfranogiad, ac maent wedi eu hadnewyddu gan bartneriaeth rhwng gweithwyr y Fforwm Ieuenctid a Cymru Ifanc. Cafodd y gwaith ei lywio gan ymgynghoriadau â phobl ifanc.

 

Cafodd y gwaith ei gefnogi gan Lywodraeth Cymru, a nododd rôl Safonau Cyfranogiad mewn canllawiau. Seilir y Safonau hefyd ar Gonfensiwn y Cenhedloedd Unedig ar Hawliau'r Plentyn, a Deddf Llesiant Cenedlaethau'r Dyfodol (Cymru) 2015, sy'n gosod cyfranogiad plant yn galon gwella llesiant.

 

Mae nod barcud a siarter wedi eu llunio hefyd i gyrff ddangos eu bod yn gweithio yn ôl y safonau hyn. Mae rhagor o wybodaeth am y Safonau yma. Cewch ymuno â'r sgwrs am Ddiwrnod Plant Byd-eang ar gyfryngau cymdeithasol drwy ddefnyddio #KidsTakeOver

ParticipationStandards Poster 9

Teithia bws rhatach ar gyfer pobl ifanc yng Nghymru

Gwnaeth Ysgrifennydd y Cabinet dros yr Economi a'r Seilwaith lansio ymgynghoriad ar Ddydd Mawrth 10 Hydref ac a fydd yn parhau hyd 4 Ionawr 2018.

 

Pwnc yr ymgynghoriad yw'r modd y gall cynllun FyNgherdynTeithio ar gyfer pobl ifanc gael ei ddatblygu a'i gyflenwi yn y dyfodol mewn modd a fyddai'n annog mwy o bobl ifanc i ddefnyddio’r bws ar gyfer teithio bob dydd. Gallwch weld manylion y papur ymgynghori a'r ffurflen ymateb yma:

 

https://ymgyngoriadau.llyw.cymru/ymgyngoriadau/teithiau-bws-rhatach-ar-gyfer-pobl-ifanc-yng-nghymru

 

A fyddech cystal â rhannu'r wybodaeth hon â'ch rhwydweithiau a'u hannog i ymateb?

 

Wyt ti’n gwybod dy hawliau?

 

Mae Meic, gwasanaeth llinell gymorth i blant a phobl ifanc hyd at 25 oed yng Nghymru, yn lansio fideo newydd, i helpu plant a phobl ifanc cael gwell dealltwriaeth o'u hawliau, a'r hyn y gallant ei wneud os nad ydynt yn cael ei gwrando arnynt.

 

I weld y fideo rhyngweithiol, cliciwch yma

 

Dilynwch yr ymgyrch fideo o 24 Gorffennaf 2017 ar dudalen Facebook Meic (@meic.cymru), Twitter (@meiccymru), ac Instagram (@meic.cymru).

Meic Microphone

Mae'r wefan hon a'i chynnwys i gyd yn hawlfraint 2018 Llywodraeth Cymru
YouthFriendly Web Logo  ceop-logo  Welsh Assembly Government logo  CRights Aware Logo

We use cookies to give you the best possible experience.

By continuing to use our website we assume you agree with our cookie policy.