• EggsBanner
  • Booklets
  • Catalogue
  • Training

Gwyl Llên Plant Caerdydd 25 Mawrth – 2 Ebrill

Wedi dathlu canmlwyddiant Dahl gyda’r hyfryd Ddinas yr Annisgwyl, mae Caerdydd yn edrych ymlaen ar ragor o hwyl llyfrau. Byddwn yn dathlu pum mlwyddiant Gŵyl Llên Plant Caerdydd yn 2017, a hon fydd y fwyaf a’r orau eto! Bydd yr ŵyl, a fydd yn parhau dros ddau benwythnos, yn cynnwys digwyddiadau yn y Saesneg a’r Gymraeg ac yn dathlu’r goreuon o lyfrau cyfoes i blant.

Bydd awduron a darlunwyr yn dod â’u geiriau a lluniau’n fyw mewn safleoedd eiconig ar hyd y ddinas, gyda straeon anhygoel a pherfformiadau yn cynnwys cymeriadau hyfryd. Mae’r ŵyl yn berffaith i bawb sydd wrth eu boddau â llyfrau plant.  Gwyl Llen Plant Caerdydd

Mis gwych i fod yng Nghymru. Pam? Dydd Gŵyl Dewi wrth gwrs

Mae’r gaeaf yn dirwyn i ben a chyda lwc, byddwn yn dechrau mwynhau cynhesrwydd y gwanwyn. Bydd cennin pedr i’w gweld o Fôn i Fynwy a bydd yr adar â’u cân yn rhoi help inni baratoi ar gyfer y nosweithiau goleuach hynny. Mae’n bryd i bawb fynd allan, boed hynny i gerdded, rhedeg neu... beth am wylio pencampwriaeth y chwe gwlad. Dydd Gŵyl Dewi   (Saesneg yn unig)

 

Help llaw gydag ymgyrch Rhianta Cadarnhaol

Mae’n beth cyffredin i blant fynd drwy gyfnodau lletchwith a gwrthod gwneud hyn a’r llall, felly mae’n bwysig bod rhieni a gofalwyr yn teimlo nad ydyn nhw ar eu pen eu hunain ac yn gwybod ble i gael cymorth fel bo’r angen.

Ar wefan ‘Magu Plant. Rhowch amser iddo’, fe welwch chi bob math o awgrymiadau a chynghorion da i gefnogi rhieni, a rhai sy’n gofalu am blant, drwy’r blynyddoedd cynnar. Mae’n cynnwys gair i gall ar blant sy’n strancio, arferion amser gwely, dysgu sut i ddefnyddio’r poti, amseroedd bwyd a llawer mwy!

Rydyn ni wedi datblygu llawer o adnoddau difyr a defnyddiol gan gynnwys ‘Fy helfa sborion’ i chwarae yn y parc, gêm ‘Fy nhaith’ wrth fynd yn y car a ‘Mat bwyd’ i’w liwio a’i bersonoli. Gallwch lawrwytho’r holl adnoddau hyn am ddim.   Rhianta Cadarnhaol  

Mae'r wefan hon a'i chynnwys i gyd yn hawlfraint 2016 Llywodraeth Cymru
YF logo white  ceop-logo  Welsh Assembly Government logo  CRights Aware Logo